ఆంధ్రభారతి - తాళ్లపాక అన్నమాచార్య కీర్తనలు - తలపట్టు వెట్టుకొన్న తరుణీమణి నిన్ను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 27-5
సంపుటము: 5-154

తాళ్లపాక అన్నమాచార్య

రాగము: శంకరాభరణం

తలపట్టు వెట్టుకొన్న తరుణీమణి నిన్ను నలసి వేమరు దూరు నాకె వో యీకె	॥పల్లవి॥
గొప్పలయిన గుబ్బలవేఁగుల నలయు సతులు కొప్పులు జారఁగఁ దన్నుఁ గొలిచి రాఁగా చెప్పరాని నటనల సింగారపుఁ దోఁటలోన అప్పుడు నిన్నుఁ జూచిన ఆకెవో యీకె	॥తల॥
పాదపుఁబెండేలు మ్రోయఁ బడఁతులిరువంకల సేదలు దేరుచుఁ దనచెంగట రాఁగా మేదకపు తొలుకరి మెఱుఁగంటా నీ పప్పు- డాదిగొని చూచిన ఆకెవో యీకె	॥తల॥
బంగారు చెరఁగుచీర పయ్యెదకొంగు దూలఁగా అంగన వొకతె దనకాకు చుట్టీఁగా ఇంగితమెఱిఁగి వేంకటేశుఁడ నిన్నుఁ గలసి అంగడినెల్లఁ బెట్టిన ఆకెవో యీకె	॥తల॥