ఆంధ్రభారతి - తాళ్లపాక అన్నమాచార్య కీర్తనలు - దిక్కులేక పోయెనిట్టే దినదినము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 27-6
సంపుటము: 5-155

తాళ్లపాక అన్నమాచార్య

రాగము: ఆహిరి

దిక్కులేక పోయెనిట్టే దినదినము వెక్కసపు లోకమేలే విభుఁడెవ్వఁడో	॥పల్లవి॥
గుత్తముగా నెల్లవారుఁ గుడిచేటి కంచము ఎత్తుక లోఁబెట్టుకొనె నెవ్వఁడో దొంగ కొత్తగానే యింతి గట్టేకోక బయట వేసిన మెత్తనిదంటాఁ బట్టి మింగె నెవ్వఁడో	॥దిక్కు॥
బంతిగాఁగ నెల్లవారుఁ బండేటి మంచమూర - గుంతలో విరుగఁదోసె కూళఁడెవ్వఁడో దొంతుల కడవలోనఁ దొరలి దాఁచిన పెద్ద- పొంతకూటికుండ గొంటఁబోయె నెవ్వఁడో	॥దిక్కు॥
సొరిది సంతలలోని సుద్దులెల్లా విని విని విరసములెల్లఁ బాపె వీఁడెవ్వఁడో తిరువేంకటగిరిదేవుఁడై యిందరికిఁ గరుణ లోకముగాచె ఘనుఁడెవ్వఁడో	॥దిక్కు॥