ఆంధ్రభారతి - తాళ్లపాక అన్నమాచార్య కీర్తనలు - కలికి కోరికల నుంగరము వెట్టిననాఁడె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 28-2
సంపుటము: 5-157

తాళ్లపాక అన్నమాచార్య

రాగము: ముఖారి

కలికి కోరికల నుంగరము వెట్టిననాఁడె చెలువంపు విరహగ్ని సేసెఁగా పెండ్లి	॥పల్లవి॥
గరిమెఁ గేయూరకంకణహస్తముల సతులు మురియుచును నిన్నుఁ గరములఁ జూపఁగా తరుణి నినుఁ జూచినంతటనె మదనుఁడిద్దరికి- నరవిరుల సేసలిడె నాయెఁగా పెండ్లి	॥కలికి॥
పొదరిండ్ల చవికెలో పువ్వుఁదేనెల చెమట చెదరకిరువంక నభిషేకములుగా కొదమ తేంట్ల విప్రకోటి మిమ్మిద్దరిని పొదలించఁ జిత్తములు పొసగెఁగా పెండ్లి	॥కలికి॥
సోలుచును పేరఁటపు శుకపికంబులు మిమ్ముఁ బాలుపడి నలుగడలఁ బాడఁగాను తేలించి లలితాంగి తిరువేంకటేశ నినుఁ గాలు దొక్కినదిపుడె కలిగెఁగా పెండ్లి	॥కలికి॥