ఆంధ్రభారతి - తాళ్లపాక అన్నమాచార్య కీర్తనలు - వంచన ప్రియములవారే కాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 28-3
సంపుటము: 5-158

తాళ్లపాక అన్నమాచార్య

రాగము: కన్నడగౌళ

వంచన ప్రియములవారే కాక నించిన కన్నీటి నేనేల నీకు	॥పల్లవి॥
గిలుకు మట్టెలతోడ కిందిచూపులతోడ సెలవి నవ్వులు నీ పైఁ జిందఁగాను వలతువుగాక యెవ్వతి కైనఁ జిత్తము నిలుపఁగనోపని నేనేల నీకు	॥వంచన॥
గోడచాట్లతోడ కోనచీఁకటితోడ వాడల నెలయించువారేకాక వాడుచు లేమావి వడచల్ల వెడమాయ- నీడలనెండే నేనేల నీకు	॥వంచన॥
జగడంబులతోడ సణఁగు సొలపుతోడ వగ నిన్ను భ్రమయించువారె కాక దిగులులేక నిన్ను తిరువేంకటేశుఁడ నెగులెఱుఁగక కూడు నేనేల నీకు	॥వంచన॥