ఆంధ్రభారతి - తాళ్లపాక అన్నమాచార్య కీర్తనలు - అలమేలుమంగ నీవభినవరూపము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 28-5
సంపుటము: 5-160

తాళ్లపాక అన్నమాచార్య

రాగము: పాడి

అలమేలుమంగ నీవభినవరూపము జలజాక్షు కన్నులకు చవులిచ్చేవమ్మా	॥పల్లవి॥
గరుడాచలాధీశు ఘన వక్షమున నుండి పరమానందం సంభరితవై నెరతనములు చూపి నిరంతరము నాథుని హరుషించఁగఁ జేసితి గదమ్మా	॥అల॥
శశికిరణములకు చలువల చూపులు విశదముగా మీఁద వెదచల్లుచు రసికత పెంపునఁ గరఁగించి యెప్పుడు నీ- వశము చేసుకొంటి వల్లభునోయమ్మా	॥అల॥
రట్టడి శ్రీ వేంకటరాయనికి నీవు పట్టపురాణివై పరఁగుచు వట్టిమాఁకులిగిరించు వలపుమాటల విభు జట్టిగొని వురమున సతమైతివమ్మా	॥అల॥