ఆంధ్రభారతి - తాళ్లపాక అన్నమాచార్య కీర్తనలు - ఒడయఁడవు నినుఁ బాసియుండ వశమా తరుణి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 28-6
సంపుటము: 5-161

తాళ్లపాక అన్నమాచార్య

రాగము: దేశాక్షి

ఒడయఁడవు నినుఁ బాసియుండ వశమా తరుణి చిడుముడి యలుక చేతిచిలుకఁ బగచేసె	॥పల్లవి॥
గారవపు జలరాశికన్య నీతోనలిగి ఆరామములలోన నలయఁగాను వైరంపుబాణమై వనజమిరుమై గాఁడె ఈ రీతి నీ యలుక యిల్లు పగఁజేసె	॥ఒడ॥
ఎలజవ్వనిటు నీకు నెదురుచూచుచు వెడలి చెలఁగి వెన్నెలకు విచ్చేయఁగాను నలువొందఁ జంద్రకిరణములు మయివడిఁ బొక్కె బులుపుఁ గోపము తోడఁబుట్టుఁ బగచేసె	॥ఒడ॥
పంతంపు శ్రీసతికిఁ బతివి వేంకటరమణ కాంతహృదయంబెఱిఁగి కలయఁగాను అంతలోననె మదనుఁడలయించె నిప్పుడిటు కొంతవడి నీకసరు కొడుకుఁ బగచేసె	॥ఒడ॥