ఆంధ్రభారతి - తాళ్లపాక అన్నమాచార్య కీర్తనలు - ఎన్ని సేఁతలై నఁ జేయునిపుడు యీతఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 29-1
సంపుటము: 5-162

తాళ్లపాక అన్నమాచార్య

రాగము: సామంతం

ఎన్ని సేఁతలై నఁ జేయునిపుడు యీతఁడు కన్నెవయసువారినెల్ల గాఁకదేర్చె నీతఁడు	॥పల్లవి॥
గుబ్బచన్నుదోయి మెఱుఁగుఁ గులుకరించి చెలఁగి నడచు గబ్బుతావిరమణి చల్లకడవతోడను సిబ్బమైన చెక్కులందు చిన్నిచెమటగారఁ జెనకి గబ్బిసేఁతలెల్లఁ జేసె కళలుగరఁగ నీతఁడు	॥ఎన్ని॥
వాలుఁగన్నుదోయి మెఱుఁగు వల్లెవేసివేసి రతికి కాలుదవ్వురమణి చల్లకడవతోడను కేలుదమ్మి కంకణాలు గిలుకరించి చెలఁగి నడచు కీలుగొప్పు సడిలి జారఁ గిందుపరిచె నీతఁడు	॥ఎన్ని॥
కొదలుదేరు కోవిలెలుఁగు కుత్తికందు సాళగించి కదలుమోవిరమణి చల్లకడవతోడను ఎదురమెరయు వేంకటేశుఁడింతి ప్రేమదీరఁ జెనకి కదిసి మదనకదనమందు కలికిఁజేసె నీతఁడు	॥ఎన్ని॥