ఆంధ్రభారతి - తాళ్లపాక అన్నమాచార్య కీర్తనలు - ఏలే యేలే మరఁదలా చాలుఁ జాలు చాలును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 29-2
సంపుటము: 5-163

తాళ్లపాక అన్నమాచార్య

రాగము: పాడి

ఏలే యేలే మరఁదలా చాలుఁ జాలు చాలును చాలు నీతోడి సరసంబు బావ	॥పల్లవి॥
గాఁటపు గుబ్బలు గదలఁగఁ గులికేవు మాటలఁ దేటల మరఁదలా చీటికి మాటికిఁ జెనకేవే వట్టి- బూటకాలు మాని పోవే బావ	॥ఏలే॥
అందిందె నన్ను నదలించి వేసేవు మందమేలపు మరఁదలా సందుకోఁ దిరిగేవు సటకారి వోబావ పొందు గాదిఁకఁ బోవే బావ	॥ఏలే॥
చొక్కపు గిలిగింత చూపుల నన్ను మక్కువ నేసిన మరఁదలా గక్కున నను వేంకటపతి కూడితి దక్కించుకొంటివి తగులైతి బావ	॥ఏలే॥