ఆంధ్రభారతి - తాళ్లపాక అన్నమాచార్య కీర్తనలు - చెలికిఁ జక్కఁదనము నేసిన యజుఁడు భూమిఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 29-4
సంపుటము: 5-165

తాళ్లపాక అన్నమాచార్య

రాగము: కాంబోది

చెలికిఁ జక్కఁదనము నేసిన యజుఁడు భూమిఁ గలవారికెల్లఁ బ్రేమ గలిగించెఁ గదవే	॥పల్లవి॥
గుబ్బలపై కొనగోరి గురుతు లంటినచోటు- లబ్బురమై మృగమందమంటినది చూడవే గబ్బికన్నుల కలికి కప్పిన పయ్యదలోన నిబ్బరపుఁ దనువల్లి నిగ్గులు వెళ్ళఁబారెనే	॥చెలికి॥
కొప్పునఁ దట్టుపుణుఁగు కొలఁదిమీరఁగ నంటిన- జిప్పిలి చెక్కులవెంటఁ జిందినది చూడవే ఒప్పయిన నీ నడపున నొడికపుమట్టియల- చప్పుడు విన్నఁ జిత్తము జల్లురనెఁ గదవే	॥చెలికి॥
చక్కఁదనములచేత సరిలేనివాఁడు గన దిక్కుల వెలసినట్టి తిరువేంకటేశుఁడు మక్కువలరఁగ నింతి మరగించి ప్రియమెల్లఁ జక్కఁదనముగఁ జేసెఁ జాలదా యింతయును	॥చెలికి॥