ఆంధ్రభారతి - తాళ్లపాక అన్నమాచార్య కీర్తనలు - సారెసారె విన్నవించఁ జాలమిఁక నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 30-2
సంపుటము: 5-168

తాళ్లపాక అన్నమాచార్య

రాగము: సామంతం

సారెసారె విన్నవించఁ జాలమిఁక నీవు దారిదప్పఁ దిరిగేవు తగవా వోరి	॥పల్లవి॥
చెప్పరాదు కడు వలచిన వానివలె నా- కొప్పులోని సవరము కొంటఁబోయి అప్పుడే వొక్కతికిచ్చితట వోరి నా- తప్పుగాని నీవల్లఁ దప్పులేదు వోరి	॥సారె॥
కడలేని మోహంబు గలవానివలె నా- కడితాను చీర నీవు కాసెవోసి వడిగా నేఁగెదవు యవ్వతికియ్యవలెనో నన్ను వడిఁబెట్టి యింతసేయవలెనా వోరి	॥సాలె॥
ముద్దుల నా వేలనున్న ముద్దుటుంగరము నీవు వుద్దండానఁ గొంటఁబోతి వోరి తిద్దలేము నీగుణాలు తిరువేంకటేశ నీవు వొద్దికతో నన్నుఁబాయకుండరా వోరి	॥సాలె॥