ఆంధ్రభారతి - తాళ్లపాక అన్నమాచార్య కీర్తనలు - తలనొక్క మాటాడఁ దలకెక్కె వలపు దీని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 30-3
సంపుటము: 5-169

తాళ్లపాక అన్నమాచార్య

రాగము: సామంతం

తలనొక్క మాటాడఁ దలకెక్కె వలపు దీని- తలఁపు రేఁచక మీరు తలరమ్మా	॥పల్లవి॥
చిత్తజు నమ్ములు దాఁకి జీర వారినందుకు పూ- వత్తులు వేయక కాని వాడదమ్మా బత్తిగల వారిందరు పచ్చకప్పురము మేన మెత్తకకాని మానదు మెత్తరమ్మా	॥తల॥
కంటిచూపు కాయజుని వింటిబాణములు దాఁకి గంటిలేని పోటులాయఁ గదరమ్మా అంట ముట్టరాని తాప మగ్గలమైనది ముల్లు ముంటఁగాని పోదు మేను మూయరమ్మా	॥తల॥
అప్పుడింత సొబగు లేదతివమొగమునందు చొప్పులెల్ల బాగులాయ చూడరమ్మా అప్పుడు శేషాద్రిరాయఁడంగనఁ గలిసెఁ గాన యెప్పుడూఁ బాయని చనవిచ్చె నమ్మా	॥తల॥