ఆంధ్రభారతి - తాళ్లపాక అన్నమాచార్య కీర్తనలు - భోగీంద్రశయనుని బోయతి దివ్య - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 61-1
సంపుటము: 5-175

తాళ్లపాక అన్నమాచార్య

రాగము: కొండమలహరి

భోగీంద్రశయనుని బోయతి దివ్య- భోగాలు మరిగిన బోయతి	॥పల్లవి॥
పొదిగొన్న పెనుఁగొప్పు బోయతి మించుఁ- బొదలిన గుబ్బల బోయతి పొదలఁ బూవులు చూచి బోయతి యంప- పొది సవి వెరచెనె బోయతి	॥భోగీ॥
పొడల గందపుమేని బోయతి పచ్చి- పొడికప్పురపు బూఁత బోయతి పొడవైన హరిఁ జూచి బోయతి నేఁడు పుడుకు వేఁదురుగొన్న బోయతి	॥భోగీ॥
పొందైన రచనల బోయతి పతిఁ బొందక పొందిన బోయతి పొందులెరఁగని బోయతి రతిఁ బొందె వేంకటపతి బోయతి	॥భోగీ॥