ఆంధ్రభారతి - తాళ్లపాక అన్నమాచార్య కీర్తనలు - నెయ్యము లల్లోనేరేళ్ళో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 61-5
సంపుటము: 5-179

తాళ్లపాక అన్నమాచార్య

రాగము: దేసాళం

నెయ్యము లల్లోనేరేళ్ళో వొయ్యన వూరెడి వువ్విళ్ళో	॥పల్లవి॥
పలచని చెమటల బాహుమూలముల- చెలమలలోనాఁ జెలుపములే థళథళమను ముత్యపు జెఱఁగు సురటి దులిపేటి నీళ్ళతుంపిళ్ళో	॥నెయ్య॥
తొటతొటఁ గన్నులఁ దొరిగేటి నీళ్ళ చిటి పొటి యలుకల చిరునగవే వటఫలంబు నీ వన్నెల మోవికి గుటుకలలోనా గుక్కిళ్ళో	॥నెయ్య॥
గరగరికల వేంకటపతి కౌఁగిట పరిమళములలో బచ్చనలు మరునివింటి కమ్మనియంప విరుల- గురితాఁకులినుపగుగ్గిళ్ళో	॥నెయ్య॥