ఆంధ్రభారతి - తాళ్లపాక అన్నమాచార్య కీర్తనలు - ఎన్ని సేసినా నీకు నిది గొత్తలా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 61-6
సంపుటము: 5-180

తాళ్లపాక అన్నమాచార్య

రాగము: శుద్ధవసంతం

ఎన్ని సేసినా నీకు నిది గొత్తలా అన్నిటిలోపల నుండే ఆతఁడౌదో కావో	॥పల్లవి॥
వొలఁతి మొయిఁదీగెపై పులకలు వొడమించే- విల నిన్నుఁ దలఁపించి యిది గొత్తలా తలకొన్న వేణునాదముననె వట్టిమాఁకు- లలర- జేసినవాఁడవౌదువో కావో	॥ఎన్ని॥
గుట్టునఁ బయ్యెదకొంగు గుబ్బలనె జారించే- విట్టె నీ ప్రేమనే యిఁతికిది గొత్తలా మట్టుకొని వేణురవమున గొల్లెతల చీర- లట్టు నిట్టు వదలించి నాతఁడౌదో కావో	॥ఎన్ని॥
కాంత కవుఁగిటను వేంకటగిరి విభుఁడా నీ- వింత మేను మఱపించుటిది గొత్తలా పంతమూడి యడవిలో పసుల నీరాగాల- రంతులనే మఱపించే రాజవవుదో కావో	॥ఎన్ని॥