ఆంధ్రభారతి - తాళ్లపాక అన్నమాచార్య కీర్తనలు - ఎంతవడి దాఁక నీ యెల యింపులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 62-1
సంపుటము: 5-181

తాళ్లపాక అన్నమాచార్య

రాగము: ఆహిరి

ఎంతవడి దాఁక నీ యెల యింపులు నంతమై విభునికిటు చనవియ్యరాదా	॥పల్లవి॥
పొగరుఁగెమ్మోవి గిరుపుల నగవులాఁడి నీ- పగడవాతెర దెరచి పలుకవమ్మా బిగువుఁ బొలయలుక మురిపెముల నీ సొబగెల్ల సగమాయఁ జలమింకఁ జాలించరాదా	॥ఎంత॥
కలికి నునుమెఱుఁగుఁ బుల కల గుబ్బలాఁడి నీ- సొలపుఁ గన్నులు దెరచి చూడవమ్మా వలపు వసివాడ జవ్వనపు లేఁదీగతో తలఁకేవు కోపంబు తలఁగించరాదా	॥ఎంత॥
లావణ్యముల సొబగులాఁడి నీ ప్రియుఁడైన- కోవిదునిపైఁ బ్రేమ గులుకవమ్మా శ్రీ వేంకటేశ్వరుఁడు చెలఁగి నిను మన్నించె- నీ వేఁడుకలనైన నిట్లుండరాదా	॥ఎంత॥