ఆంధ్రభారతి - తాళ్లపాక అన్నమాచార్య కీర్తనలు - శిఱుత నవ్వులవాఁడు శిన్నెకా వీఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 62-2
సంపుటము: 5-182

తాళ్లపాక అన్నమాచార్య

రాగము: ఆహిరి

శిఱుత నవ్వులవాఁడు శిన్నెకా వీఁడు వెఱపెఱఁగడు సూడవే సిన్నెకా	॥పల్లవి॥
పొలసుమేనివాఁడు బోరవీఁపువాఁడు సెలసు మోరవాఁడు సిన్నెకా గొలసుల వంకల కోరలతో బూమి వెలసినాఁడు సూడవే సిన్నెకా	॥శిఱుత॥
మేఁటి కుఱుచవాఁడు మెడమీఁది గొడ్డలి- సీటకాలవాఁడు సిన్నెకా ఆఁటదానిఁ బాసి అడవిలో రాకాశి- వేఁటలాడీఁ జూడవే సిన్నెకా	॥శిఱుత॥
బింకపుమోఁతల పిల్లఁగోవివాఁడు సింక సూపులవాఁడు సిన్నెకా కొంకక కలికియై కొసరి కూడె నన్ను వేంకటేశుఁడు సూడవే సిన్నెకా	॥శిఱుత॥