ఆంధ్రభారతి - తాళ్లపాక అన్నమాచార్య కీర్తనలు - చెల్లఁబో అలుగ నేఁడు సిగ్గుగాదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 62-3
సంపుటము: 5-183

తాళ్లపాక అన్నమాచార్య

రాగము: శ్రీరాగం

చెల్లఁబో అలుగ నేఁడు సిగ్గుగాదా వొల్లని వీనిఁ బాసి వుడికీ నామనసు	॥పల్లవి॥
పొలసి యీ ప్రాణమిట్టే పోయినాఁ బోయఁ గాక తలవంపు సేసే యీ తను వేఁటికే కలసియుఁ గలయని కఠిచిత్తుని వీని సొలసి కమ్మరఁ జూచీ నా మనసు	॥చెల్ల॥
మరుతాపమున మేను మాఁడిన మాఁడెఁగాక పరులబారికిఁ జిక్కే బ్రదుకేఁటికే విరహన నొకతెవై వేదనఁ బొరలు వీని- కరుణలే కోరీని కష్టపు నామనసు	॥చెల్ల॥
సడిఁబెట్టి వయసిట్టే చంపినఁ జంపెఁ గాక వడిఁ బెట్టి వేఁచే నావయసేఁటికే కడు జాణఁడైన వేంకటగిరీంద్రుఁడు వాని- వొడలు సోఁకిన నిట్టే వుబ్బెడి నామనసు	॥చెల్ల॥