ఆంధ్రభారతి - తాళ్లపాక అన్నమాచార్య కీర్తనలు - ఇదె మొగంబిదె యద్దమిఁకనేఁటికే మిగులఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 62-4
సంపుటము: 5-184

తాళ్లపాక అన్నమాచార్య

రాగము: కాంభోది

ఇదె మొగంబిదె యద్దమిఁకనేఁటికే మిగులఁ బదరేవు చెలివద్ద బవళించి నీవు	॥పల్లవి॥
పెట్టినది నాయకుని బిరుదు పెనుఁబెండెంబు కట్టినది యతనిమెడ కంటమాల యెట్టు బొంకెదవె చెలి యిందాఁక బంగారు- పట్టేమంచముమీఁదఁ బవళించి నీవు	॥ఇదె॥
పుక్కిటిది నాయకుని పొందైన తమ్ములము చెక్కిటిది పతినొసలి చిన్నిచెమట యిక్కు వెరిఁగియు బొంకనిఁకనేలె చెలి యతని- పక్కనే యిందాఁకఁ బవళించి నీవు	॥ఇదె॥
బచ్చెనలు కుచయుగముపై నతని మృగమదము లచ్చెనలు కొనగోళ్ళలాంచనములు ఇచ్చకునిఁ దిరువేంకటేశుఁ గూడితివె చెలి పచ్చలోవరి లోనఁ బవళించి నీవు	॥ఇదె॥