ఆంధ్రభారతి - తాళ్లపాక అన్నమాచార్య కీర్తనలు - పెట్టని కోటిందరికిఁ బెండ్లికొడుకు బొమ్మ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 62-6
సంపుటము: 5-186

తాళ్లపాక అన్నమాచార్య

రాగము: బౌళి

పెట్టని కోటిందరికిఁ బెండ్లికొడుకు బొమ్మ- బెట్టె నసురలకెల్ల- బెండ్లికొడుకు	॥పల్లవి॥
పెల్లగించి భూమెత్తీఁ బెండ్లికొడుకు వాఁడె పిల్లఁగోవి రాగాల పెండ్లికొడుకు పెల్లైన యీవుల పెండ్లికొడుకు వాఁడె పిల్లఁదీపుపెన్నుద్ది పెండ్లికొడుకు	॥పెట్టని॥
పెంచెపు శిరసుపాగ పెండ్లికొడుకు గుం- పించిన కోపగించీఁ బెండ్లికొడుకు పెంచకప్పుడే పెరిగెఁ బెండ్లికొడుకు వల- పించెఁ జక్కనిసిరిఁ బెండ్లికొడుకు	॥పెట్టని॥
పెంట పెరుగులదొంగ పెండ్లికొడుకు భూమిఁ బెంటి పోతులఁ గూరిచెఁ బెండ్లికొడుకు గెంటులేని వేంకటగిరిమీఁదను వాఁడె పెంట వెట్టుకున్నవాఁడు పెండ్లికొడుకు	॥పెట్టని॥