ఆంధ్రభారతి - తాళ్లపాక అన్నమాచార్య కీర్తనలు - గుట్టునఁ గోరికలెల్లఁ గొల్లవట్టీ నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 63-2
సంపుటము: 5-188

తాళ్లపాక అన్నమాచార్య

రాగము: ఆహిరి

గుట్టునఁ గోరికలెల్లఁ గొల్లవట్టీ నీ- పట్టపుదేవికి నీకుఁ బల్లాండు పల్లాండే	॥పల్లవి॥
పచ్చల సందిదండలు బాహుపురులు మెరయ నెచ్చెలిపై మేను సోఁక నిలుచుండి పచ్చవిలుకానితల్లి బంగారు దోసిట నీపై బచ్చకప్పురము చల్లీఁ బల్లాండు పల్లాండే	॥గుట్టు॥
మంతనపు మాఁటలతో మాఁటుగ నిన్ను సొలసి కొంతపు గోళ్ళ నిగ్గు గుమ్మరింపుచు చెంతలఁజెంగలువలు చెలులు చేనందియ్యఁగ పంతమున నీపై వేసి పల్లాండు పల్లాండే	॥గుట్టు॥
అలరుల మేడలోన అలమేలు మంగ నీ యలయిక దీరఁ బ్రేమ నలరఁ జేసి కలసి వేంకటేశ నీ కౌఁగిలి చేకొనీ నిదే పలుమారు మీకు మీకుఁ బల్లాండు పల్లాండే	॥గుట్టు॥