ఆంధ్రభారతి - తాళ్లపాక అన్నమాచార్య కీర్తనలు - చలిగాలి వేఁడేల చల్లీనె కప్పురపు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 63-5
సంపుటము: 5-191

తాళ్లపాక అన్నమాచార్య

రాగము: శ్రీరాగం

చలిగాలి వేఁడేల చల్లీనె కప్పురపు- మలయజము తానేల మండీనే	॥పల్లవి॥
పాపంపు మనసేల పారీనే నలుగడల చూపేల నలువంకఁ జూచీనే తాపంపుమేనేల తడవీనె పూవింటి- తూపేల చిత్తంబు దూరీనే	॥చలి॥
వాయెత్తి చిలుకేల వదరీనె పలుమారు కోయిలలు దామేల గొణఁగీనే రాయడికి నలులేల రాసీనె మాతోను కాయజుఁడు తానేల కసరీనే	॥చలి॥
ఏకాంతముననేల యెదురైతినే తనకు లోకాధిపతికేల లోనైతినే చేకొనిదె మన్నించె శేషాద్రివల్లభుఁడు పైకొనిదె మమ్మేల పాలించెనే	॥చలి॥