ఆంధ్రభారతి - తాళ్లపాక అన్నమాచార్య కీర్తనలు - నాకుఁ జెప్పరె వలపు నలుపో తెలుపో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 64-1
సంపుటము: 5-193

తాళ్లపాక అన్నమాచార్య

రాగము: శంకరాభరణం

నాకుఁ జెప్పరె వలపు నలుపో తెలుపో నూకి పోవఁగరాదు నుయ్యా కొండో	॥పల్లవి॥
పొలఁతి మరునికి వెరవ పులియా యెలువో వులుకుఁదుమ్మిదమోఁత వురుమో మెరుమో తిలకింపఁ జందనము తేలో పామో యెలమిఁ గోవిలకూఁత యేదో పోదో	॥నాకు॥
పొదలిన చలిగాలి పొగయో వగయో వదలిన కన్నీరు వాఁగో వంతో వుదరమునఁ బన్నీరు వుడుకో మిడుకో యెదుటఁ దలవంచుకొనుటెగ్గో సిగ్గో	॥నాకు॥
అసమశరుపై పరపుటదనో పదనో పసగలవానిమోవి పంచదారో తేనో అసమగతి వానిరాక ఆదోపాదో రసికు వేంకటేశు పొందు రాజ్యమో లక్ష్మో	॥నాకు॥