ఆంధ్రభారతి - తాళ్లపాక అన్నమాచార్య కీర్తనలు - చెలఁగి కూరాకుగాఁ జేసేవు నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 64-2
సంపుటము: 5-194

తాళ్లపాక అన్నమాచార్య

రాగము: వరాళి

చెలఁగి కూరాకుగాఁ జేసేవు నీ- తలమీఁదనుండే తరుణిఁ బో నేను	॥పల్లవి॥
పిసుకకు పలుమారు పసురువేసీ నంత వసివాడుకోర్చిన వనితఁ గాను పస రేఁచి నీవింత పాలించు తొల్లిటిఁ సిసువయిన నీ పెట్టుఁ జెట్టఁబో నేను	॥చెలఁగి॥
చిదుమకు పరుమారు చెక్కునొచ్చీ నీవు వదనము నొక్కేటి వనితఁ గాను ఎదురెదురనే భూమినెందరు లేరు నీఁ నిదురవుచ్చినవారు నేనెవ్వతిని	॥చెలఁగి॥
కందించకు నన్నుఁ గౌఁగిట కాఁకల అందునిందును గడు నలముచును ఇందిరాపతి వేంకటేశ నీరతుల పొందు నాకిదె మఱపుకెల్ల నెలవు	॥చెలఁగి॥