ఆంధ్రభారతి - తాళ్లపాక అన్నమాచార్య కీర్తనలు - ఇందూ నందును రుచులెట్లుండునో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 64-6
సంపుటము: 5-198

తాళ్లపాక అన్నమాచార్య

రాగము: ధన్నాసి

ఇందూ నందును రుచులెట్లుండునో కందువెరిఁగి మేలు కైకొందువు	॥పల్లవి॥
పదివేలు పళ్యాల పళ్ళిభోగము నీఁ వదన నారగింతువప్పాలతో పొదవిన యింతేసి పొందైన మతితో నీ- సుదతికెమ్మోవినే చొక్కితివిగా	॥ఇంద॥
సరిలేని కల్పభూజముల పూవుల పూజ సిరులుగా సురలచేఁ జేకొందువు పరిపరివిధముల పరిమళములనెడి- తరుణి పువ్వులతావిఁ దగిలితిగా	॥ఇంద॥
కొత్తయిన కస్తూరితోఁ గోరి తట్టుపుణుఁగు మెత్తుకొందువు నీవు మేనిండను ఇత్తరిఁ దిరువేంకటేశ యీ చెలిఁగూడి హత్తిన చెమటలతో నలరితిగా	॥ఇంద॥