ఆంధ్రభారతి - తాళ్లపాక అన్నమాచార్య కీర్తనలు - వనితలఁ గరఁగించు వన్నెకాఁడవు యిట్టె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 65-3
సంపుటము: 5-201

తాళ్లపాక అన్నమాచార్య

రాగము: శ్రీరాగం

వనితలఁ గరఁగించు వన్నెకాఁడవు యిట్టె తనివి దీరవేమిటఁ దగునయ్య విట్ఠల	॥పల్లవి॥
పైపైనె యేరమణిగుబ్బలతో యిచ్చితివి నీ- వైపైన కరముల వాఁడిగోళ్ళు దూపిలిన రతితోడఁ దోయఁ డు చేతులతోడ యేపుననున్నాఁడవిపుడేమయ్య విట్ఠల	॥వనిత॥
పొందైన యేలలన చూపులకొ యిచ్చితివి నీ- విందైన మురిపెపు వేయిగన్నులు అందపు రెండుగన్నులరవిరి నీ మోమున చెందమ్మి రేకులఁ బోలుఁ జెల్లునయ్య విట్ఠల	॥వనిత॥
కింకల నేసతికో చిక్కెను నీచిత్తమెల్లను అంకెల నన్ను నేలితివబ్బురంబుగా పంకంపుఁ గస్తూరిమేన పండరంగిపతివైన- వేంకటనగముమీఁది వెడమాయ విట్ఠల	॥వనిత॥