ఆంధ్రభారతి - తాళ్లపాక అన్నమాచార్య కీర్తనలు - ఎంతపని యిది యానతియ్యరాదా యీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 65-5
సంపుటము: 5-203

తాళ్లపాక అన్నమాచార్య

రాగము: ఆహిరి

ఎంతపని యిది యానతియ్యరాదా యీ- చింతచే నీ మనసు చిముడఁబెట్టేవు	॥పల్లవి॥
పండువెన్నెల బయటఁ బవళించి వేడుకల- నుండి చెలి యేఁటికో వుసురంటివి కొండుకవయసు నిడుకోరికల నిట్టూర్పు- టెండలనె యీ చిత్తమేల వేఁచేవు	॥ఎంత॥
తూఁగు మంచముమీఁదఁ దురుముఁ బయ్యద జార- నూఁగుచును నేఁటికో వుసురంటివి కాఁగేటి కుచగిరులు కమ్మఁజెమటలఁ దొప్పఁ- దోఁగగా తమకంబు తొలఁగ దాఁచేవే	॥ఎంత॥
నిద్దంపు వేడుకల నీవు వేంకటవిభుని- వొద్దికై యేఁటికో వుసురంటివి వొద్ద నీకెపుడాతఁడుండవలె నాతనిని వద్దనఁగ రాదనుచు వాడఁబారేవు	॥ఎంత॥