ఆంధ్రభారతి - తాళ్లపాక అన్నమాచార్య కీర్తనలు - రాఁడుగాక సరుగన రసికుఁడు యిట్టే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 66-2
సంపుటము: 5-206

తాళ్లపాక అన్నమాచార్య

రాగము: ముఖారి

రాఁడుగాక సరుగన రసికుఁడు యిట్టే నేఁడే మచ్చికలనే నిధులు నిలుపఁడా	॥పల్లవి॥
ప్రేమపు నీ యధరమే పెట్టరానిజీతము కోమలి నీ తమ్ములమే కొంగుభత్యము జాము నిన్నుఁ గొలిచిన చక్కని నీ విభుఁడు యేమరక వలపులయేకరాజ్యమేలఁడా	॥రాఁడు॥
పూఁత నీ గర్వముల చూపులే వారకములు లేఁత నీ నగవులే పళ్ళెములో కూడు పూఁతగాని చిత్తమనే వుప్పరిగెనుండినా బాఁతి పడి నీ గుబ్బలపైఁడి కుండలెత్తఁడా	॥రాఁడు॥
పుయ్యని నీ మేనితావి పువ్వుల చప్పరము తొయ్యలి నీ కౌఁగిలిది తూఁగుమంచము కయ్యపుఁ గూటముల వేంకటగిరివిభుఁడు గయ్యాళి నీ కోరికల గద్దెమీఁద నుండఁడా	॥రాఁడు॥