ఆంధ్రభారతి - తాళ్లపాక అన్నమాచార్య కీర్తనలు - ఇందరినేలితి విఁకనేలే (మే?) నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 66-3
సంపుటము: 5-207

తాళ్లపాక అన్నమాచార్య

రాగము: ముఖారి

ఇందరినేలితి విఁకనేలే (మే?) నీ- యందపు బనులకు నంపుదు గాక	॥పల్లవి॥
పొక్కుచు నిదె వలపుల సింహసన- మెక్కితి వంగన యిఁకనేమే పుక్కిటి నిట్టూర్పుల ప్రసాదములు చక్కని చెలులకుఁ జల్లుదు గాక	॥ఇంద॥
పరిమళపు నుదుటఁ బట్టునఁ బట్టము ఇరువుగఁ గట్టితివిఁకనేమే తరగని మేని ప్రతాపానలమున అరుదగు సిగ్గుల నణఁతువు గాక	॥ఇంద॥
రాఁపుల మోహపురతుల రాజ్యమిది యేపునఁ జేసితివిఁకనేమే పైపై వేంకటపతిరూప సిరులు చేపడె నిన్నిటఁ జెలఁగుదు గాక	॥ఇంద॥