ఆంధ్రభారతి - తాళ్లపాక అన్నమాచార్య కీర్తనలు - వెరవకువే యింత వెరగేలా నీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 66-4
సంపుటము: 5-208

తాళ్లపాక అన్నమాచార్య

రాగము: ముఖారి

వెరవకువే యింత వెరగేలా నీకు నెఱిఁ గురిసీఁ గొప్పున నీలాలు	॥పల్లవి॥
పగడాలు వాతెరఁ బాయక కురియఁగ మొగిఁ గురిసీఁ గన్నుల ముత్యాలు మగువ నీవిభుని ప్రేమపుఁగూటమి గన్నుల మగుడఁ గురిసీ నింక మాణికాలు	॥పర॥
పడఁతి నీపుట్టానఁ బచ్చలు గురియఁగా వడిసీని నీమేన వజ్రాలు కడఁగి నీరమణుని కాఁకలఁ గూడఁగ తొడరీ నీగోళ్ళతుదఁ గెంపులు	॥పర॥
హితవైన తిరువేంకటేశుకౌఁగిట మోహ- రతులఁ బొడమె నవరత్నాలు ప్రతలేని లప్పలైన పచ్చి కస్తూరి శయ్య మితిలేక రాలెనే గోమేధికాలు	॥పర॥