ఆంధ్రభారతి - తాళ్లపాక అన్నమాచార్య కీర్తనలు - ఎవ్వరిపై నింతేసి యేల దూరేవే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 66-5
సంపుటము: 5-209

తాళ్లపాక అన్నమాచార్య

రాగము: ముఖారి, అటతాళం

ఎవ్వరిపై నింతేసి యేల దూరేవే పువ్వులు నిన్నే తాఁకఁ బొంచెనటవే	॥పల్లవి॥
పండువెన్నెలలు నీపై గాయఁగా నీఁ కెండలాయెనంటా నేల తిట్టేవే నిండిన చందురుఁడు నీకు నాతనికి కొండుకపాయము రూపు కూడపెట్టె నటవే	॥ఎవ్వ॥
చల్లగాలి నిన్నును జాలిఁబెట్టెనంటా వెల్లిగ నాకేలేలట్టే విఱిచేవే మెల్లనే నీవిభుని మేనితావి యింతేసి చల్లుమని గాలియేమి చాటెనటవే	॥ఎవ్వ॥
కోవిలలు నిన్నుఁ గోపగించెనంటా యీవల నావలనెల్ల నేల దూరేవే శ్రీ వేంకటేశుని చెలియ నీకౌఁగిట చేవగాఁ గూడుమని చెప్పెనటవే	॥ఎవ్వ॥