ఆంధ్రభారతి - తాళ్లపాక అన్నమాచార్య కీర్తనలు - కాంత నీ నెరుల చీఁకటినతఁడు భ్రమయఁగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 67-1
సంపుటము: 5-211

తాళ్లపాక అన్నమాచార్య

రాగము: కాంబోది

కాంత నీ నెరుల చీఁకటినతఁడు భ్రమయఁగా చింత చీఁకట్లు ముంచినది యరుదా	॥పల్లవి॥
పొలఁతి నీ చిఱునవ్వు పువ్వులాతఁడు గోసి కులికి కన్నుల నొత్తుకొనఁగాను వలరాయఁడపుడు తన వాఁడి పువ్వు టమ్ములను చలముకొని మిమ్ము ముంచక మానునా	॥కాంత॥
నెలఁత నీపలుకుఁదేనియలాతఁడిటు గ్రోలి సొలయుచును మైమరచి చొక్కఁగాను తలఁపఁ గోవిలల యమృతంపుఁ బలుకుల వెల్లి అలర మీమీఁదఁ గురియక మానునా	॥కాంత॥
పరగు నీ మెఱుఁగు గుబ్బలనెడి గిరులపై తిరువేంకటేశ్వరుఁడు తిరుగఁగాను పరువంపు వలపు తాపల పెద్దకొండలై గరిమతో మీకుఁ బెరుగక మానునా	॥కాంత॥