ఆంధ్రభారతి - తాళ్లపాక అన్నమాచార్య కీర్తనలు - పతిఁ గలసి మేనెల్ల పరవశంబగుకంటె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 67-2
సంపుటము: 5-212

తాళ్లపాక అన్నమాచార్య

రాగము: శ్రీరాగం

పతిఁ గలసి మేనెల్ల పరవశంబగుకంటె హితవిరహమున నెదిరి నెఱుఁగుటే మేలు	॥పల్లవి॥
పరపీడ గావించి బతుకు బతుకుటకంటె పరహితము చేయునాపదలె మేలు సిరుల నడిమికి భయము సేయు చనుఁగవకంటె తరుణి నీ నెన్నడిమి దైన్యమే మేలు	॥పతి॥
కాంత నితరులకింద గరువించుకంటె మతిఁ జింతఁగందుచు నలయు సిలుగె మేలు కుంతలంబుల కిందఁ గులుకుఁ జూపులకంటె చెంతలను నీతురుము చెదరుటే మేలు	॥పతి॥
తొడరి సరివారి వొత్తుడుకు నోర్చుటకంటె గొడవతో వాఁడి గైకొనుటె మేలు పడఁతి నీ వేంకటప్పనిరతి నలయుకంటె కెడపి కొనగోళ్ళ సోఁకించుటే మేలు	॥పతి॥