ఆంధ్రభారతి - తాళ్లపాక అన్నమాచార్య కీర్తనలు - వన్నెమాటల వలతువా నీవు నా మనసు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 67-3
సంపుటము: 5-213

తాళ్లపాక అన్నమాచార్య

రాగము: ముఖారి

వన్నెమాటల వలతువా నీవు నా మనసు కన్న పెట్టఁగఁ గదా కడుబేలనైతి	॥పల్లవి॥
పట్టుకొని నిన్నుఁ గోపముదీర చూపులనె కట్టివేసినఁగదా గర్వమడఁగు అట్టునిట్టును నీకు నయ్యలునసాదలును బెట్టెకా నీచేతఁ బిరివీకులైతి	॥వన్నె॥
మరిగించి నిన్ను నా మనసారఁ గుచగిరుల- చరులఁ దోసినఁ గదా చలమణఁగును అరిది మోహమున నీ యడుగులకు మడుగులేఁ బరచికా విరహతాపమునఁ బడవలసె	॥వన్నె॥
చెనకి నిన్నిట్ల నాచేయారఁ గోరికల తనివి దీర్చినఁగదా తగులవదువు ఘనమూర్తివైన వేంకటగిరీశ్వర నీకు- నొనర లోనైకదా వొడలెరఁగనైతి	॥వన్నె॥