ఆంధ్రభారతి - తాళ్లపాక అన్నమాచార్య కీర్తనలు - కొలనిలోన మును గోపికలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 67-4
సంపుటము: 5-214

తాళ్లపాక అన్నమాచార్య

రాగము: ముఖారి

కొలనిలోన మును గోపికలు మొలక నవ్వు(వు?)లతో మొక్కిరి నీకు	॥పల్లవి॥
పిరుఁదులు దాఁటిన పించెపుటలకల తురుములు వీడఁగఁ దొయ్యలులు అరిదినితంబములందునె దాఁచుక మురిపెపుఁ గరముల మొక్కిరి నీకు	॥కొలని॥
నిద్దపు మానము నెలఁతలు లోఁగుచు గద్దరి తొడలనె కట్టచును ముద్దుటుంగరంబుల కరములతో ముద్దులు గునియుచు మొక్కిరి నీకు	॥కొలని॥
పాలిండ్ల పెనుభారంబుల కర- మూలపు మెఱుఁగులు ముంచఁగను వేలపుఁ బ్రియముల వేంకటేశ నిను మూలకుఁ బిలుచుచు మొక్కిరి నీకు	॥కొలని॥