ఆంధ్రభారతి - తాళ్లపాక అన్నమాచార్య కీర్తనలు - మానరె మాయలు మగువలు నేఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 67-5
సంపుటము: 5-215

తాళ్లపాక అన్నమాచార్య

రాగము: రామక్రియ

మానరె మాయలు మగువలు నేఁ గాను కాననుచుఁ గనలీ శిశువు	॥పల్లవి॥
పాలట దొంగిలె బాలుఁడు గో- పాలులఁ గూడుక పలుమరును పోలవీమాఁటలు బొంకులు యిది యేలె యేలె మీరెలజవ్వనులు	॥మానరె॥
సారెకు వెన్నలు చవులట యీ- దూరులు మీకిఁక దొసగులు చేరువ గరిమలు చెల్లవు మీరు పోరె పోరె వొరపుల నెర సతులు	॥మానరె॥
కింకలు మీకివి గెలుపులు నెల- వంకలు మీకివి వన్నెలు వేంకటపతి మీ విభుఁడట మీరు బొంకక బొంకక పొలఁతులు మనరే	॥మానరె॥