ఆంధ్రభారతి - తాళ్లపాక అన్నమాచార్య కీర్తనలు - ఎండలు రేయెండలుగా నిరువంకఁ జూచువాఁ డు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 67-6
సంపుటము: 5-216

తాళ్లపాక అన్నమాచార్య

రాగము: ముఖారి

ఎండలు రేయెండలుగా నిరువంకఁ జూచువాఁ డు కొండలుఁ గోట్లునయిన గుణములవాఁడు	॥పల్లవి॥
పాలవెల్లి కొండమీఁదఁ బల్లెగట్టినవాఁడు పాలలోని పాపఁడన్న ప్రాణమైనవాఁడు పాలఁ బుట్టినట్టికూడు పంచిపెట్టినవాఁడు పాలునేయి ముచ్చిలించి బదికినవాఁడు	॥ఎండ॥
అలపోతువానితోడ నంటినమేనివాఁడు ఆలఁగాపరులతోడ నాడినవాఁడు ఆలజాలమైన నీటనలరఁ దేలినవాఁడు ఆలపోతు కొండమీఁద ననువైనవాఁడు	॥ఎండ॥
పాఁపరేని మేను దన పానుపు వేసినవాఁడు మోఁపరయి సకలము మోచినవాఁడు కోపము శాంతములేని కొండలకోనేటివాఁడు పాపముఁ బుణ్యము లేక బదికినవాఁడు	॥ఎండ॥