ఆంధ్రభారతి - తాళ్లపాక అన్నమాచార్య కీర్తనలు - వేఁటకాఁడనంటా నా వెంటఁ బాయవు వోరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 68-1
సంపుటము: 5-217

తాళ్లపాక అన్నమాచార్య

రాగము: శంకరాభరణం

వేఁటకాఁడనంటా నా వెంటఁ బాయవు వోరి చీటకపు చెంచెత నాచేతి లాగెరఁగవా	॥పల్లవి॥
పొదలో నేనేసిన పులి నీవేసితినని పెదపెద్ద యెలుగుఁల బెదరించేవు కుదురుగుబ్బల నిన్నుఁ గుమ్ముదునో వుండేవో మేను చిదియఁగా మేటిచెంచెత నన్నెఱఁగవా	॥వేఁట॥
చేరువ నామోఁటునఁ జేరిన నామెకముల నేరుపరినంటా నీవునేసేవు జీరలుగా కొమ్ము గోరఁ జింతుతో వూరకుండేవో పేరుకల చెంచెత నాబిరుదులెరఁగవా	॥వేఁట॥
చొల్లెపు చుట్టలతోడ చూపులకు నడ్డాలు చెల్లునంటా వచ్చి చెట్టవట్టేవు నొల్లననఁగా గూడేవు వుద్దండపు వేంకటేశ జల్లివింటి చెంచెత నాచలములెరఁగవా	॥వేఁట॥