ఆంధ్రభారతి - తాళ్లపాక అన్నమాచార్య కీర్తనలు - ఏమీననకురే యెప్పుడు మీరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 68-2
సంపుటము: 5-218

తాళ్లపాక అన్నమాచార్య

రాగము: భైరవి

ఏమీననకురే యెప్పుడు మీరు గామిడియై కాలిసన్నఁ గదలీని బిడ్డఁడు	॥పల్లవి॥
పొలసీననకురే పొదిగి యిందరుఁగూఁడి వులికి తలదీసుకవున్న బాలుని పలుకఁడనకురే బలుమోరతోపుఁ గోపి తలఁకి సిబ్బితిగొని తలరమ్మ బిడ్డఁడు	॥ఏమీ॥
అడిగీననకురే ఆసదీరదనకురే కడఁగి చలమరియై గాసిఁబెట్టీని జడలున్న వనకురే జననుతుఁడీశిశువు కడు దూరీ గిరులకు గమనించి బిడ్డఁడు	॥ఏమీ॥
బిత్తలున్నాఁడనకురే పృథివిలోఁ బిన్నవాఁడు మత్తులై వున్నవారి మడియించీని చిత్తిణివాఁడనకురే శ్రీ వేంకటేశుఁడు యెత్తుక యీరేడులోకాలేలీని బిడ్డఁడు	॥ఏమీ॥