ఆంధ్రభారతి - తాళ్లపాక అన్నమాచార్య కీర్తనలు - పట్టనిఁక నోప నాప్రాణంబులు నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 69-2
సంపుటము: 5-224

తాళ్లపాక అన్నమాచార్య

రాగము: శ్రీరాగం

పట్టనిఁక నోప నాప్రాణంబులు నీ- పట్టు దైవమె యెరుఁగు బ్రదుకవయ్యా	॥పల్లవి॥
పడితినిన్నాళ్ళు నిర్భంధమున నాచేత కడమొదలు లేని కాఁకల సొలపుల బడలెఁ గడు నామేను పట్టనిఁకనోప నీ- పడఁతులను గూడుకొని బ్రదుకవయ్యా	॥పట్ట॥
నొగిలితివి నాచేత నొప్పిమాటలనెంతె వగలఁ గడు నన్ను విడువఁగనోపక జగడమిఁక లేదు విరసము మాని సుఖివియై పగలేక యిఁకనైన బ్రదుకవయ్యా	॥పట్ట॥
ఎంత నొగిలినను నాకేమాయ నీకు నీ- సంతోషమబ్బినను జాలుఁగాక యింతసేసియు వేంకటేశ కూడితివి నీ- పంతంబు చెల్లెనిఁక బ్రదుకవయ్యా	॥పట్ట॥