ఆంధ్రభారతి - తాళ్లపాక అన్నమాచార్య కీర్తనలు - కవయఁగవలెనంటి కాఁగలించేవా నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 69-3
సంపుటము: 5-225

తాళ్లపాక అన్నమాచార్య

రాగము: శ్రీరాగం

కవయఁగవలెనంటి కాఁగలించేవా నీ- వువిదలఁ దలఁచక వుండనోపేవా	॥పల్లవి॥
పారిటాకులు గట్టి పారనోపేవా యేరులెల్ల దాఁటి కొండలెక్కనోపేవా యీరీతి వెదురుబియ్యమేరనోపేవా పేరినతేనెలు తెచ్చి పెట్టనోపేవా	॥కవ॥
యెడమఁ గుడిని వింటనేయనోపేవా అడవిమెకాల వేఁటలాడనోపేవా కడఁగి చెంచెత నాతోఁ గలశుండేవా అడరి నాపొత్తుల నారగించేవా	॥కవ॥
యిప్పటి మాఁటలు యీడేరించనోపేవా చెప్పినట్టే కాఁపురము సేయనోపేవా కప్పిరంపుశయ్యపై వేంకటరాయఁడా యెప్పుడుఁ బాయని చనవియ్యనోపేవా	॥కవ॥