ఆంధ్రభారతి - తాళ్లపాక అన్నమాచార్య కీర్తనలు - బండి విరిచి పిన్నపాపలతో నాడి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 69-5
సంపుటము: 5-227

తాళ్లపాక అన్నమాచార్య

రాగము: ధన్నాశి

బండి విరిచి పిన్నపాపలతో నాడి దుండగీఁడు వచ్చె దోబూచి	॥పల్లవి॥
పెరుగు వెన్నలుఁ బ్రియమున వే- మరు ముచ్చిలించు మాయకాఁడు వెరవున్నాఁ దనవిధము దాఁచుకొని దొరదొంగ వచ్చె దోబూచి	॥బండి॥
పడుచు గుబ్బెత పరపుపై పోక- ముడి గొంగు నిద్రముంపునను పడియుఁదా వద్దఁ బవళించినట్టి- తొడుకుదొంగ వచ్చె దోబూచి	॥బండి॥
గొల్లపల్లెలో యిల్లిల్లూ చొచ్చి కొల్లలాడిన కోడెకాఁడు యెల్లయినా వేంకటేశుఁడు ఇదె తొల్లటిదొంగ వచ్చె దోబూచి	॥బండి॥