ఆంధ్రభారతి - తాళ్లపాక అన్నమాచార్య కీర్తనలు - చల్లనై కాయఁగదొ చందమామా నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 69-6
సంపుటము: 5-228

తాళ్లపాక అన్నమాచార్య

రాగము: సామంతం

చల్లనై కాయఁగదొ చందమామా నీ వెల్ల(ల్లి?)గాఁ దిరువేంకటేశు నెదుర మొల్లమిగ నమృతంపు వెల్లి గొల్పుచు లోక- మెల్ల నినుఁ గొనియాడఁగాను	॥పల్లవి॥
పొందైన హితులు నాప్తులు రసికులును గవులు నందమగు నునుమాటలాడ నేర్చిన ఘనులు చిందులకు నాడేటి సీమంతినీ మణులు చెలఁగి యిరుగడఁ గొలువఁగాను	॥చల్లనై॥
వందిమాగదులు గైవారింపఁ దనదివ్య- మందిరోపాంత ఘనమార్గమునఁ గోనేటి- ముందటను మంద మందప్రయాణములతోఁ నిందిరాపతి మెరయఁగాను	॥చల్లనై॥
ఏకాంత ముఖగోష్టినింపొంద మానవా- నీకంబులెడఁ గలసి నిలిచి సేవింపఁ గాం- తాకదంబముల హస్తముల కంకణఝణ- త్కారములు నిగుడఁ జామరములిడఁగ	॥చల్లనై॥
జోకైన మణిగణస్తోమాంకితంబులై సొంపొందు నాలపట్టములు గరములఁ దాల్చి యేకాంతులిరువంక నెదిరి కొలువఁగ సకల- లోకేశ్వరుఁడు మెరయఁగాను	॥చల్లనై॥
బంగారుపత్రిమలకు ప్రతులైన దివిజలోఁ కాంగనలు ఘనవిమానాంగణంబుననుండి చెంగలువలును మంచిసేవంతిరేకులను చెలఁగి యిరుగడఁ జల్లఁ గాను	॥చల్లనై॥
మంగళాత్మకములగు మహితవేదాంత వే- దాంగవిద్యలకు ప్రియమంది చేకొనుచుఁ దిరుఁ వేంగళేశ్వరుఁడు గడు వేడుకలతోడఁ దిరుఁ వీథులను విరించఁగాను	॥చల్లనై॥