ఆంధ్రభారతి - తాళ్లపాక అన్నమాచార్య కీర్తనలు - అదిగాక సౌభాగ్య మదిగాక వలపు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 70-2
సంపుటము: 5-230

తాళ్లపాక అన్నమాచార్య

రాగము: పాడి

అదిగాక సౌభాగ్య మదిగాక వలపు అదిగాక సుఖమింక నందరికిఁ గలదా	॥పల్లవి॥
ప్రాణవల్లభునిఁ బెడఁబాసి మరుబాణములు ప్రాణబాధల నెగులుపడుటేఁటి వలుపే ప్రాణేశ్వరుఁడు దన్నుఁ బాయఁ జూచిన యపుడు ప్రాణంబు మేనిలోఁ బాయంగవలదా	॥అది॥
ఒద్దికై ప్రియునితోనొడఁ గూడి యుండినపు- డిద్దరై విహరించుటిది యేఁటివలుపు పొద్దువోకలకుఁ దమపొలయలుకకూటముల బుద్దిలోఁ బరవశము పొందంగవలదా	॥అది॥
చిత్తంబులోపలను శ్రీవేంకటేశ్వరుని హత్తించి వాఁడు దానయివుండవలదా కొత్తయిన యిటువంటి కొదలేని సంగతుల తత్తరము మున్నాడి తగులంగవలదా	॥అది॥