ఆంధ్రభారతి - తాళ్లపాక అన్నమాచార్య కీర్తనలు - ఎట్టుసేయనైన నేర్చు నిందునందు నీతఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 70-3
సంపుటము: 5-231

తాళ్లపాక అన్నమాచార్య

రాగము: భూపాళం

ఎట్టుసేయనైన నేర్చు నిందునందు నీతఁడు నెట్టుకొన్న విద్యలెల్ల నేర్చుఁగాన యీతఁడు	॥పల్లవి॥
పలుదెరఁగుల దొంతులైన పాలపెరుగుకుండలెల్లఁ దొలఁగ దించి పాలుద్రాగి దొంతివేర్చె నీతఁడు తొలఁగఁ దోసి జగములెల్లఁ దొల్లిటట్ల బహువిధముల నెలవుకొలిపి దొంతివేర్చ నేర్చుఁగాన యీతఁడు	॥ఎట్టు॥
పాలమీఁగడెల్లఁ దిగిచి పలుదెరఁగులఁ దోడనాడు బాలులైనవారికెల్లఁ బంచిపెట్టె నీతఁడు మేలిమైన పాలజలధి మీఁగడఖిలదేవతలకు నోలిఁబంచి పెట్టినట్టి యోగిగాన యీతఁడు	॥ఎట్టు॥
తలుపుదెరచి కన్నె మేలుకొలిపి విభుఁడు గానివానిఁ నెలమిఁ గలపినట్టి వేంకటేశుఁడమ్మ యీతఁడు తలఁపులోని నాగకన్నెఁ దెలిపి పరపురుషునిఁ గూడి కలయఁ జేయనేర్చినట్టి ఘనుఁడు గాన యీతఁడు	॥ఎట్టు॥