ఆంధ్రభారతి - తాళ్లపాక అన్నమాచార్య కీర్తనలు - రెప్పవేసి లోకమెల్ల రేయుఁ బగలుఁ జేయనేర్చుఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 70-5
సంపుటము: 5-233

తాళ్లపాక అన్నమాచార్య

రాగము: సామంతం

రెప్పవేసి లోకమెల్ల రేయుఁ బగలుఁ జేయనేర్చుఁ చెప్పరాని చేఁతలెల్ల చెప్పి చూపనేర్చునే	॥పల్లవి॥
పాలలోను దచ్చి వెన్న పలుదెరఁగులఁ దివియనేర్చు రాలువేసి నీరుమీఁదఁ దేలఁజేయు నేర్చును గాలిపుంటి సంటి లోనఁ గాఁపురంబు సేయనేర్చు అలికట్టుఁ జీరలోన నాలిఁబడయనేర్చును	॥రెప్ప॥
ముద్దులాఁడికొడుకుచేత ముజ్జగములు దిప్పనేర్చును చద్దికంట వేఁడికంటఁ జక్కఁజూడ నేర్చును గద్దెరాతి కొండవింట గసికయై చెలఁగనేర్చు సుద్దులెల్ల మందులనఁగ సొంపుమిగులనేర్చును	॥రెప్ప॥
పాఁపరేని కొండమీఁదఁ బందివేఁటలాడ నేర్చు గోపసతుల మానమెల్ల కొల్లలాడనేర్చును యేపు మీరినట్టి వేంకటేశుఁడనెడివాఁడు పిన్న- పాఁపడై యశోదయెదుట పరువులిడఁగ నేర్చును	॥రెప్ప॥