ఆంధ్రభారతి - తాళ్లపాక అన్నమాచార్య కీర్తనలు - ఏమి సోద్యమిది యెంతయును వెరగాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 70-6
సంపుటము: 5-234

తాళ్లపాక అన్నమాచార్య

రాగము: బౌళి

ఏమి సోద్యమిది యెంతయును వెరగాయ ఈ మగువ విభుఁ గలయుటెట్లనో యనుచు	॥పల్లవి॥
పొలసి నునుఁజెమటలుబ్బుచు నణంగుచునున్న- చెలియభావము చూచి చెప్ప వెరపాయ కలికి వలరాజు బింకపుశరము వాఁడిగా పలుమరునుఁ బదనిడిన భావమో యనుచు	॥ఏమి॥
చలముకొని వేఁడి వెదచల్లు చూపులతోడి నెలఁతఁ గని కట్టెదుర నిలువ వెరపాయ చెలఁగి లోపలనున్న చిత్తజానలమెల్ల వెలికి వెళ్ళుచు వెల్లివిరిసెనో యనుచు	॥ఏమి॥
తిరువేంకటేశుఁ బొందిన యింతిచనుదోయి- కురునఖాంకములు గనుఁగొనఁగ వెరపాయ తరుణినేఁపిన విధుఁడు దైవయోగమువలన అరుదయిన శకలంబులా యనో యనుచు	॥ఏమి॥