ఆంధ్రభారతి - తాళ్లపాక అన్నమాచార్య కీర్తనలు - చంపరాని పగ(మ?)నంబు; చల్లగాలి వేఁడి; చిగురు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 71-2
సంపుటము: 5-236

తాళ్లపాక అన్నమాచార్య

రాగము: శ్రీరాగం

చంపరాని పగ(మ?)నంబు; చల్లగాలి వేఁడి; చిగురు- టంపకోల దాఁకి దేహ మప్పుడెట్ల నోర్చెనే	॥పల్లవి॥
పువ్వుటమ్మ దాఁకి చెలికిఁ బొక్కె మేను విభునిచూపు- లివ్వలవలఁ గాఁడినప్పుడెట్లనోర్చెనే జవ్వనంపు గుచభరము జడిసె నడుము కొప్పు వేఁగు రవ్వదోఁప నడపుచేతి రాయిడెట్లనోర్చెనే	॥చంప॥
తప్పకెపుడు నతనిఁ జూచి తనివివోని తరుణి నేఁ- డిప్పుడింత దడవు వాసి యెట్లనోర్చెనే నొప్పికించుకోర్వలేక నొసలఁబట్టు వెట్టుకాంత దప్పిదేరునట్టి విరహతాపమెట్లనోర్చెనే	॥చంప॥
ఇంచుకంత కప్పురమునఁ బారు తనువుమీఁద నెంచరాని మదనరేఖలెట్లనోర్చెనే మించి వేంకటాద్రివిభుఁడు మీఁదమీఁదనొరసి కూ చరాని కంటసరులు వనిత యెట్లనోర్చెనే	॥చంప॥