ఆంధ్రభారతి - తాళ్లపాక అన్నమాచార్య కీర్తనలు - ఆపదలె సంపదల కాధారమై తోఁచె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 71-3
సంపుటము: 5-237

తాళ్లపాక అన్నమాచార్య

రాగము: ఆహిరి

ఆపదలె సంపదల కాధారమై తోఁచె పైపైనె తమకంబె పరిణామమాయ	॥పల్లవి॥
పురిగొన్న మదనాగ్ని పుటము దాఁకినవలన తరుణిదేహంబు కుందణమువలెనాయ నురుగక వియోగాగ్ని చొచ్చి వెలువడెఁ గాన మరుజన్మమై మహమహిమఁ బొగడొందె	॥ఆప॥
పొలుపైన యిరులచేఁ బూవుగట్టిన వలన సొలయకే మేను జాజుల పొట్లమాయి నెలకొన్న గొజ్జంగనీటఁ దడియఁగఁబట్టి కలకంటిమేను పులు గడగినట్లాయ	॥ఆప॥
అందుపైఁ దిరువేంకటాద్రీశు నిజకృపా- నందంబు తనకు బ్రహ్మనందమాయ పొందైన వేడుకలు పొదిగొన్న చెలువంబు- నందమయి సౌభాగ్యమగ్గలంబాయ	॥ఆప॥