ఆంధ్రభారతి - తాళ్లపాక అన్నమాచార్య కీర్తనలు - తనువెల్లఁ గోమలము తలఁపు వెగ్గలమాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 71-4
సంపుటము: 5-238

తాళ్లపాక అన్నమాచార్య

రాగము: సాళంగనాట

తనువెల్లఁ గోమలము తలఁపు వెగ్గలమాయ వనితభాగ్యము గంటివా తరుణి	॥పల్లవి॥
పోఁకలంతేసి ముత్యముల కంటసరులవి వేఁకపు గుబ్బలమీఁద వేఁగుఁగాక మానునా కాఁకల నడుము చిక్కెఁగదె గోరుచుట్టుపై రోఁకటిపోటాయనమ్మరో తరుణి	॥తను॥
ముమ్మడించినట్టి పెద్దమొగపుల మొలనూలు యిమ్మైన పిరుఁదుమీఁద నింతభారమేఁటికే బొమ్మరపోయెడి నవ్వులఁ బూఁటకూటిమీఁదఁ దమ్మ వుమియఁగాదా తరుణి	॥తను॥
సరసరూపవిలాసముల నింతికి నెందు తిరువేంకటాచలాదిపుఁడెట్ల నిచ్చెనే అరిదిబంగారునకు నపురూపమగుమణి దొరకినట్లాయఁగాదో తరుణి	॥తను॥