ఆంధ్రభారతి - తాళ్లపాక అన్నమాచార్య కీర్తనలు - పుడమిలోన మగలు గలుగు పొలఁతులకును దిరుగఁబాసె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 72-1
సంపుటము: 5-241

తాళ్లపాక అన్నమాచార్య

రాగము: భైరవి

పుడమిలోన మగలు గలుగు పొలఁతులకును దిరుగఁబాసె అడవివారి నుండనియ్యఁడమ్మ నీ కొమారుఁడు	॥పల్లవి॥
భారమైన కుచభరంబుపై చెరంగు జారనొకతె జారుఁజూపులాఁడి మంచిసాళగంపుటెలుఁగున కోరో చల్లయనుచు మెరుఁగుగుచములదర మెట్టినడవ గోరుదీసి పారితెంచె కొమ్మ నీ కుమారుఁడు	॥పడమి॥
నెరులు దొంగలించినట్టి నీలవేణి యొకతె పెద్ద తురుము దురిమి చల్లకడవతో విలాసమమరఁగా చెరఁగుదూల వాఁడిగోళ్ళ చేయివీచి పిలిచి గోప- తరుఁణిఁ గొంగువట్టి తీసె తల్లి నీ కుమారుఁడు	॥పడమి॥
కంచుమట్టియల రవంబు గజబజింపఁ బదము దా- టించి గబ్బినడపు నడచు మించుగుబ్బలాఁడిని ఇంచుకంతవాఁడు వేంకటేశుఁడంటఁబట్టి కౌఁగిఁ లించి మోవి గంటిసేసె నిపుడు నీకుమారుఁడు	॥పడమి॥